понедельник, 29 апреля 2013 г.

ГЕЙДАР АЛИЕВ - АСОСГУЗОРИ СУЛҲУ СУББОТ ВА ТАРАҚҚИЁТ


                        Ба озмун

 Дар таърихи ҳар як халқу миллат дар ҳар давру замон ашхосе арзи ҳастӣ мекунанд, ки аз онҳо оянда минбаъдаи қавму халқият вобаста аст. Яке аз сиёсатмадорони бузург, шахсони ба халқу ватан ғамхор Президенти Ҷумҳурии Озарбойҷон Гейдар Алиев мебошад.  Дар тамаддуни башарӣ наќши шахсиятњои маќоми мењвари касб карда, њамчун симои марказии ин ё он давлат дар ташаккули низоми давлатдории њамон халќият хидматгузор будаанд, шояд ангуштшуморанд ва имрўз арсаи сиёсати љањонї дар ин поя њанўзам аз Рузвелт собиќ Президенти Амрико, генерал Дего сарвазири Фаронса, Иосиф Сталин муншии њизби коммунисти Иттињоди Шўравї бо њамин шоистагии маќоми сиёсї дар тањкими пояњои давлатдорї ёдоварї мекунанд. Ба гумони инљониб наќши Гейдар Алиев дар тањаввулоти чанд дањсолаи ахири Озарбойљон, бахусус солњои охири Шўравї ва аввалин ќадамњои соњибистиќлолии кишвар аз маќоми ин шахсиятњои мутазаккира барои халќи худ кам нест.

ОЗОДИИ СУХАНРО БИШНОСЕМ!


Озодии сухан ианҳо ба калимаи «озодӣ» маънӣ надорад, балки бештар дар чигунаии «сухан» мақом пайдо мекунад.  Дарки  ин матлаб муҳим ба назар мерасад.  Он андешае, ки Ситсерон баён намудааст: «Хоҳӣ, ки озод бошӣ ғуломи қонун бош»  ҳарфи бисёр мантиқӣ ва бамавриде ҳаст, ки дар аксари маврид мо онро дигаргуна тавзеҳ медиҳем. Аслан ин матлаби Сетсерон як нав тамасхуре аст, ки нисбат ба чомеа баён медорад. Яъне ў бо ин сухан таъкид медорад ва ба ҳоли хуқуқношиносон механдад, ки агар ту озод будан хоҳӣ (озодӣ дар ин маврид ба дигар маънӣ омада-аз ҳама имтиёз манфиатдор будан, соҳибмансаб ва соҳибмақом будан) Сетсерн гуфтанӣ, ки хоҳӣ ҳамин гуна озод бошӣ  ба қонунҳое, ки гурўҳе мураттаб менамояд,  итоат кун ва ба гуфтаҳои эшон ғулом бош. Ин андешаи тамасхуромез  ва  ҳузновар  ба озодии сухан ва озодии воқеии кулли чомеа иртибот надорад.  

пятница, 3 августа 2012 г.

“Гаҳвораи заррин” – и Шоҳмирзо Хўҷаев нашр шуд

Чанде қабл нашриёти “Меъроҷ” асари тозаи нависандаи тоҷик Шоҳмирзо Хўҷаев (Хоҷамухаммад)- ро таҳти унвони “Гаҳвораи заррин” ба нашр расонид. Ин асар устурае аз асотири кўҳистонист, ки ҳақиқате аз ҳақиқатҳои урёнро дар худ таҷассум намудааст. Дар асари мазкур аносири далелу исбот, масалу макол, илму дин, назму наср, ҳаҷву фантастика чун тору пуд ба ҳам омехта, дар ниҳоят навиштае хонданй ба бор омадааст, ки кас аз мутолиаи он манзараи дилангези Лангари Мастчоҳ ва шуҷоату набардҳои рустамонаи сокинонашро пеши чашм хоҳад дид.

Нависанда дар ин асар аз нозукиҳои рўзгори мардуми деҳаи Лангари Кўҳистони Мастчоҳ ба хонанда иттилоъ медиҳад. Ин асарро метавон шиносномаи Лангар донист.

понедельник, 2 июля 2012 г.

Бузургдошти устод Қаноат дар Маскав


Ба муносибати 80-солагии устод Муъмин Қаноат рӯзи 28-уми июн дар пойтахти Русия шаҳри Маскав маҳфили бошукӯҳи шаби шеъри ин суханвари номовари форсӣ баргузор шуд.
Барои ширкат дар ин маҳфил ва табрикоти вижа Олжас Сулаймонов-сафири Қазоқистон дар ЮНЕСКО (Париж) ва Зинаида Андреева Селезнёва-қаҳрамони достони "Сурӯши Сталинград" аз шаҳри Волгоград ба Маскав омаданд. Хонум Селезнёва ҳамчунин паёми табрики мақомоти вилояти Волгоградро тақдими устод Қаноат кард.

вторник, 19 июня 2012 г.

ЧАШМАИ ШОИР

Ҳеҷ донӣ ба Худгифи Соя
Чашмае ҳаст – Чашмаи шоир.
Номи зебост, номи рӯҳангез,
Рӯҳи касро навозад он охир.

– Лек афсӯс, – худгифие гуфт:
Ҷӯши онро касе куҷо дида?
Сар занад навбаҳор агар як рӯз,
Рӯзи дигар бубинӣ хушкида.

Боз гуфто: зи Чашмаи шоир
Лаб ба гуфтор нокушудан беҳ.
Чашмае мисли он агар бошад,
Шоире мисли он набудан беҳ...
[1988]

Лоик Шерали

вторник, 6 декабря 2011 г.

Гавҳаре, ки дурахшид.

Овозаи консерт додани Субҳони Саид қарорамро бурд ва занг задам ба ташкилкунандагони консерт бо рақами дар эълон нишондодашуда. Афсус хўрданду ҷавобам доданд, ки даъватномаҳо ҳама тақсим шудаанду дигар имкони шуморо даъват кардан надорем. Хуб, тасмим гирифтам меравам ва рост истода тамошо мекунам, зеро пазмони чеҳра ва садои Субҳон шуда будам.
Русҳо мақоле доранд : «Мир не без добрых людей» яъне ҷаҳон бе одамони нек нест. Шоми пеш аз рўзи баргузории консерт бародари азизам Саидҳомид занг зада пурсид, ки фардо ба консери Субҳон меравам? Дарҳол гуфтам, ки агар то фардо зинда бошам, албатта меравам ва азми қавӣ дорам, лекин даъватнома надорам. Гуфт, паси кор нагард, ки ман дар даст бароят даъватнома дорам, яъне меравем.

воскресенье, 27 ноября 2011 г.

Китоби нави Ҳуҷҷаттулоҳи Аюби

            Чанде пеш нашриёти "Меъроҷ"-и шаҳри Хуҷанд китоби раиси муаассисаи фарҳангии ЭКО доктор Ҳуҷҷаттулоҳи Аюби таҳти унвони  "Сиёсатгузории фарҳанги дар Фаронса: давлат ва ҳунар"-ро бо баргардонии муҳаққиқ ва намояндаи Тоҷикистон дар ин муассиса Шоҳмансури Шоҳмирзо ба табъ расонид.
            Китоби мазкур хонандагонро бо ҷараёни шаклгирии сиёсатгузориҳои фарҳанги дар Фаронса, ки имруз яке аз қутбҳои фарҳангии ҷаҳон маҳсуб мешавад, ошно менамояд.
            Муқаддимаи китоби мазкур ба калами Жан Клод Карер мутаалиқ аст,ки мегуяд.Тибқи навиштаи Карер нигорандаи ин китоб доктор Аюби бо ҳунар ва фарҳанги Фаронса хуб ошнои дошта ва бо руйкарди илми ва таҳлили роҳи пурфарозу фуруд,вале ҳамчунон нотамоми фаронсавиҳоро барои посухҳои илми  нишон додааст.

четверг, 20 октября 2011 г.

Нахустин хамоиши байналмилалии "Шеъри химоят" дар Точикистон

Нахустин хамоиши байналмилалии "Шеъри химоят" бо ибтикор ва ташаббуси Кумитаи  имдоди имом Хумайни дар шахри бостонии Хучанди Точикистон баргузор шуд.

Чанде кабл дар кохи Рудакии шахри Хучанд бо ибтикор ва саъю эхтимоми Кумитаи Имдоди имом Хумайнии Чумхурии Исломии Ирон дар Точикистон барои нахустин бор дар шахри бостонии Хучанд хамоиши байналмилалии "Шеъри химоят" баргузор гардид.
Мавзуи мехварии ин хамоиш баррасии ашъори  химоят буд.

Соат ва санад бо вакти Хучанд